თურქეთში სახელმწიფო სამსახურებიდან კიდევ 4 ათასამდე თანამშრომელი გაათავისუფლეს.
ამჯერად, სამუშაო ადგილი იუსტიციის სამინისტროს 1127-მა თანამშრომელმა დატოვა, მათ შორის სასჯელაღსრულების დაწესებულების დაცვის სამსახურის წევრებიც იყვნენ.
გაათავისუფლეს ასევე 1000-ზე მეტი სამხედრო მოსამსახურე, სამეცნიერო სფეროს 484 წარმომადგენელი და რელიგიის საკითხების სამინისტროს 201 თანამშრომელი.
ყველა გათავისუფლებული ადამიანის სახელი და გვარი ჩამოთვლილია ბრძანებაში, რომელიც სახელმწიფო გაზეთ T.C. Resmi Gazete-ში ქვეყნდება.
იმავე ბრძანების თანახმად, თურქეთის ხელისუფლებამ აკრძალა მაღალრეიტინგული სატელევიზიო შოუც პაემნებისა და საქორწინო განცხადებების შესახებ.
„ტელევიზიასა და რადიოში დაუშვებელია ისეთი გადაცემის გაშვება, სადაც ადამიანებს ერთმანეთს აცნობენ, რათა მათ მეწყვილე შეურჩიონ“, – ნათქვამია ბრძანებაში,,
შეგახსენებთ, გათავისუფლებათა და აკრძალვების სერია ოფიციალურმა ანკარამ 2016 წლის ივლისის სამხედრო გადატრიალების მცდელობის შემდეგ დაიწყო. გათავისუფლების პირველმა ტალღებმა 100 ატასზე მატ ადამიანს დააკარგვინა სამსახური. დღეს უმუშევრად დარჩენილებს კიდევ 4 ატასი შეემატა.