სარფის საბაჟო- გამშვებ პუნქტზე მსხვილკარატიანი ზურმუხტის ქვის კონტრაბანდული გზით შემოტანის მცდელობა აღკვეთეს – საგამოძიებო სამსახურის მიერ საზღვარზე მალულად გადმოტანილი ძვირფასი ქვა ამოღებულია ნივმთტკიცების სახით.
ფინანსთა სამინისტროს საგამოძიებო სამსახურის მიერ გავრცელებული ინფორმაციით, ქვა 482,3 კარატიანია და შესაბამისად დეკლარირებას დაქვემდებარებული, თუმცა ბრალდებულს ამის შესახებ არ განუცხადებია და საბაჟო კონტროლისგან მალულად, უკანონოდ, საქონლის გადაადგილებასთან დაკავშირებული წესის დარღვევით გადმოიტანა იგი.
კონტრაბანდაში ეჭვმიტანილი დაკავებულია.
საქმეზე გამოძიება საქართველოს სისხლის სამართლის კოდექსის 214-ე მუხლის მე-2 ნაწილით მიმდინარეობს, რაც სასჯელის სახით ითვალისწინებს თავისუფლების აღკვეთას 5-დან 7 წლამდე ვადით.