გუშინ მაკედონიის პარლამენტში ორასამდე დემონსტრანტი შეიჭრა და იქაურობა დაარბია. ნაცემია სოციალ-დემოკრატიული პარტიის ლიდერი ზორან ზაევი და კიდევ სამი სხვა დეპუტატი ამ პარტიიდან.
ეს პროტესტი მოყვა იმას, რომ ზაევმა და მისმა გუნდმა ეთნიკურ ალბანელ მოკავშირეებთან ერთად მხარი დაუჭირა პარლამენტის სპიკერად ალბანელი კანდიდატის თალათ ჯაფერის არჩევას. ეს უკანასკნელი ალბანელთა ეროვნული უმცირესობის უმსხვილესი პარტიის წარმომადგენელია.
კენჭისყრის დასრულებისა და შედეგების გამოცხადების შემდეგ სკოპიეს ქუჩაზე, პარლამენტის შენობასთან შეკრებილმა დემონსტრანტებმა, ძირითადად, მოძრაობა ,,ერთიანი მაკედონიისათვის"' წევრებმა გააარღვიეს პოლიციელთა კორდონი და ქვებითა და სხვა ბლაგვი საგნებით შეიარაღებულები პირდაპირ შეიჭრნენ სხდომაზე. ნიღბიანი თავდამსხმელების ძირითადი სამიზნე ჯაფერი და მისი მხარდამჭერი დეპუტატები იყვნენ.
პოლიციამ კი, ვითარების განმუხტვა დროულად ვერ მოახერხა, დემონსტრანტებმა მათ და სხდომაზე მყოფთ განურჩევლად დაუშინეს ქვები. მათ მიერ ნაცემ დეპუტატებს სამედიცინო დახმარება დასჭირდა. დაზიანებულია შენობის ინტერიერი.