გალში ინციდენტების პრევენციისა და მათზე რეაგირების მექანიზმების ფარგლებში სამუშაო შეხვედრა მიმდინარეობს. ქართული მხარის ინფორმაციით, დღევანდელ შეხვედრაზე საუბარი საოკუპაციო ხაზთან დაკავებული მამა-შვილი როგავების გათავისუფლების საკითხს შეეხება. მხარეები ასევე იმსჯელებენ გიგა ოთხოზორიას მკვლელობის საკითხზე და ე.წ. საზღვრისპირა სოფლებში მოსახლეობის მიერ სამეურნეო მიწების უსაფრთხო დამუშავების თემაზე.
ენგურის ხიდთან იმყოფებიან დაკავებული როგავების ოჯახის წევრებიც, რომლებიც სუს-ის წარმომადგენელს კახაბერ ქემოკლიძეს ესაუბრნენ და აღნიშნეს, რომ თუ ქართული დელეგაცია შეხვედრის შემდეგ არასაიმედო ინფორმაციას მიაწვდის, ისინი აქციებს დაიწყებენ.