ლონდონში ფინსბერი-პარკის რაიონში ხანძარია.ბრიტანული მედიის ინფორმაციით, ცეცხლი რამდენიმე საცხოვრებელ სახლს მოედო. მიმდინარეობს მოსახლეობის ევაკუაცია. დაშავდა სამი ადამიანი, მათ შორის ერთ-ერთი სამართალდამცავი, რომელიც უკვე ჰოსპიტალიზებულია. გავრცელებული ინფორმაციით, ხანძარი, სავარაუდოდ, აფეთქებამ გამოიწვია. სამართალდამცავს სხეულის მძიმე დამწვრობა აქვს მიღებული. გარდაცვლილთა შესახებ ინფორმაცია არ ვრცელდება. ადგილზე მობილიზებულნი არიან სამართალდამცველები, სასწრაფო დახმარების ბრიგადები, მეხანძრეები. ხანძრის ლოკალიზებას ვერტმფრენებითაც ცდილობენ.