გუშინ ქუთაისის დავით აღმაშენებლის სახელობის აეროპორტის მახლობლად მძიმე ავტოსაგზაო შემთხვევა მოხდა. – სწრაფად მოძრავი ავტომობილი ბორდიურს შეეჯახა.
შემთხვევის შედეგად ავტომობილში მყოფი რვა წლის ბავშვი დაიღუპა, ერთი ადამიანი კი დაშავდა.
შსს-ს ინფორმაციით, გამოძიება სისხლის სამართლის კოდექსის 276-ე მუხლის მე-5 ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.