აფხაზეთის დე ფაქტო შინაგან საქმეთა სამინისტრო ავრცელებს ინფორმაციას გუშინ ოკუპურებულ აფხაზეთში, გალის რაიონის სოფელ სიდაში მოხდარ მკვლელობასთან დაკავშირებით.
,, 9 აპრილს, საღამოს 19:30 საათზე, ცეცხლსასროლი იარაღისგან მიყენებული ჭრილობებით გალის მცხოვრები გია წურწუმია ( დაბადებული 1969 წელ) და მისი მეუღლე სოფიკო შალამბერიძე ა( დაბადებული 1075 წელს) ადგილობრივ რაიონულ საავადმყოფოში მოათავსეს. სიცოცხლესთან შეუთავსებელი ჭრილობებისგან ორივე მათგანი გარდაიცვალა- ნათქვამია განცხადებაში – მომხდარში ეჭვმიტანილია ამავე სოფლის მკვიდრი დურმიშხან შამუგია ( დაბადებული 1970 წელს). მის წინააღმდეგ გალის პროკურატურაში სისხლის სამართლის საქმე აღიძრა.მიღებულია ზომები შამუგიას ადგილსამყოფელის დადგენის და დაკავებისათვის“
ტელეკომპანია ,,ოდიშის '' გადამღებ ჯგუფთან საუბარში ოკუპირებულ ტერიტორიაზე მცხოვრებნი ლაპარაკობენ ამ შემზარავი მკვლელობის საკუთარ ვერსიებზე. მათი თქმით, წურწუმიების ოჯახში მკვლელობა ურთიერთშელაპარაკების ნიადაგზე მოხდა, მკვლელობას წინ უძღოდა ჩხუბი, რომელიც სადღესასაწაულო სუფრაზე დაიწყო ( მეზობლები ერთად სვამდნენ) , რის შემდეგაც შამუგია სახლში გაიქცა და მცირე ხანში დაბრუნდა ხელში იარაღით ( 5, 45 მმ კალიბრის ავტომატით) , საიდანაც ცეცხლი გაუხსნა მეზობლებს. სროლის შედეგად ქალი ადგილხზე გარდაიცვალა, მას სიცოცხლის ნისატი არ რტყობოდა, მაგრამ თავის ასევე მძიმედ დაჭრილ მეუღლესთან ერთად იგი მაინც გადაუყვანეს ადგილობრივ საავადმყოფოში, თუმცა მამაკაცის გადარჩენა ვერ მოხერდა, ხოლო ქალის მიმართ სიკვდილის ფაქტი იქნა კონსტატირებული. გარდაცვალებამდე რამდენიმე წუთით ადრე გია წურწუმიამ მოასწრო დაესახელებინა მკვლელის ვინაობა. ოიშის რესპონდენტებს თქმით, მკვლელი მიმალულია და გალის მილიციის თანამშრომლები მას ყველგან დაეძებენ.