ოკუპირებულ აფხაზეთში საგაზაფხულიო სასოფლო-სამეურნეო სამუშაოები ძალას იკრებს.
გალის დე ფაქტო ადმინისტრაციის სოფლის მეურნეობის განყოფილების უფროსის თამაზ წვიჟბას განცხადებით, რაიონში წელს იგეგმება სიმინიდის მოყვანა 2300 ჰეტქრზე , რაც 30%-ით არემატება შარშანდელ მაჩვენებელს. მისი თქმით ამ დროისათვის მოხნულია მხოლოდ ათი ჰექტარი მიწა, მაგრამ მაისისთვის სახნავი სამუსაოები დასრულდება თესვა დაიწყება. გლეხებს ახლა როგორც არასდროს სჭირდებათ მთავრობის დახმარება საყანე მიწებისა და ბაღჩეული კუტურების დასათესად გამოყოფილი მიწების მოხვნაში, რაც შეეხება თხილის ნარგავებს , აქ მთავარი პრობლემაა მავნებელი მწერების შემოსევა – შარშან მათ თხილის ნარგავების დაახლოებით 60% გაანადგურეს,
უკეთესობას არც წელს ველით – ამბობს წვიჟბა – ნარგავებს უკვე მოედო შხამქიმიკატებისადმი განსაკუთრებით მედეგი ჭუპრებიდან გამოჩეკილი უთვალავი მავნებელი, რომელთან გამკლავება მხოლოდ სახელმწიფოს დონეზეა შესაძლებელი და ამას თავს გლეხი და კერძო მეურნე თავს დამოუკიდებლად ვერ გაართმევს.
დე ფაქტო ადმინისტრაციის წარმომადგენელის თქმით, ამ ეტაპზე მიმდინარეობს იმ ნიადაგის ინვეტარიზაცია სადაც თხილის ნარგავებია გაშენებული და, იმედია, გაკეთდება შესაძლებლობის მაქსიმუმი გლეხების მოსალოდნელი ზარალის შემცირებისათვის.