ოკუპირებულ ტერიტორიებზე მცხოვრები ქართველების მდგომარეობა დღითიდღე გაუსაძლისი ხდება. რუსი მესაზღვრეების თავხედობას ბოლო დროს ქართულ საგუშაგოზე დამკვიდრებული წესები ემატება – ჟურნალისტი თამარ მეარაყიშვილი ავრცელებს ინფორმაციას უკიდურესად გამკაცრებულ სასაზღვრო რეჟიმზე:
,, დღეს ახალგორიდან თბილისისკენ მიმავალ მგზავრს ერთი კგ კანფეტი აღმოაჩნდა. ქართულ საგუშაგოს მორიგე პოლიციელებმა ჩაიწერეს მისი პირადი მონაცემები- მისამართი, ტელეფონი, პირადობა… არ დავწერ ქალბატონის ემოციებს რაც ნერვიულობისაგან დაემართა. კითხულობს რას უკავშირდება მათი კითხვები, მაგრამ პასუხი არაა. წინა კვირას ქალბატონი დააჯარიმეს 1.000 ლარით, ახალგორში ნისიად შეძენილი რუსული პროდუქტის გამო. იმ სტრეულ მდგომარეობას, რაშიც თითოეულ ჩვენგანს გვიწევს ცხოვრება ახალგორში, მსგავსი შემოწმებები და პასუხგაუცემელი კითხვები შიშს იწვევს.''
ჟურნალისტი მიმართავს საქართველოს ხელისუფლებას, სხვა თუ არაფერი, გასწიოს საინფორმაციო კამპანია- რისი უფლება აქვს მოსახლეობას და დაცვის რა მექანიზმები.
,,ოდიში ნიუსი'' დასძენს, რომ დევნილების მიერ რუსული პროდუქციის მცირე რაოდენობით გადმოტანის შემთხვევები გადაყიდვის მიზნით არის აფხაზეთიდანაც, რა მოხდება, თუ ახალგორის საგუშაგოზე დამკვიდრებული წესები ენგურის ხიდზეც ამოქმედდება, არის თუ არა გალის მოსახლეობა ინფორმირებული ამ სახის პროდუქციის გადმოტანის წესების შესახებ?