მოსკოვში დღეს გამართული ანტიკორუფციული მიტინგის დროს დაკავებულთა რიცხვმა 600-ს გადააჭარბა. – ამის შესახებ tvrain.ru წყაროზე დაყრდნობით იუწყება.
სააგენტოს თანამოსაუბრე ვარაუდობს, რომ უმეტესობის მიმართ ადმინისტრაციულ ოქმებს შეადგენენ შესაბამისი მუხლით, რაც მიტინგის, დემონსტრაციის, პიკეტირებისა და მსვლელობის მოწყობას გულისხმობს.
მოსკოვში დღეს გამართული აქციისას დააკავეს ოპოზიციონერი ალექსეი ნავალნიც, რომლის ორგანიზაციამ რამდენიმე კვირის წინ რუსეთის პრემიერმინისტრ დიმიტრი მედვედევის კორუფციული გზით ქონების დაგროვების შესახებ კვლევის შედეგები გამოაქვეყნა.
მოსკოვის აქციაში 7-8 ათასამდე ადამიანი მონაწილეობდა. მსგავსი ანტიკორუფციული აქცია რუსეთის სხვა ქალაქებშიც გაიმართა.