გუშინ ჩეჩნეთში  რუსეთის სამხედრო ნაწილზე (,,როსგვარდიაზე") თავდასხმა  მოხდა. რუსეთის ანტიტერორისტული ეროვნული კომიტეტის მონაცემებით, თავდასხმაში ექვსი „ბოევიკი“ მონაწილეობდა. მათ ისარგელეს ჩამოწოლილი ნისლითა და დაბალი ხილვადობით და დაახლოებით ღამის 2 საათსა და 30 წუთზე ადგილობრივი დროით ნაწილის ტერიტორიაზე შესვლა სცადეს, თუმცა ნაწილის მორიგეებმა შენიშნეს ისინი და ცეცხლი გაუხსნეს.  

 

ორმხრივი ცეცხლის შედეგად “ბოევიკები” ადგილზე იქნენ ლიკვიდირებული.   ცხედრების დათვალიერებისას აღმოჩნდა, რომ სამ მათგანს ტანზე თვითმკვლელის ქამრები ჰქონდა გაკეთებული. თავადამსხმელებს თან ჰქონდათ ცეცხლსასროლი იარაღი და საბრძოლო მასალა, რომელიც მოწმობს, რომ მათ ფართო მასშტაბის ბრძოლა ჰქონდათ ჩაფიქრებული.

 

თავდასხმის შედეგად ასევე დაიღუპა ექვსი, დაშავებულია  სამხედრო. ერთერთ მათგანს ცეცხლსასროლი ჭრილობები თავის არეში აქვს მიყენებული და  უკიდურესად მძიმე მდგომარეობაშია.  

 

 თავდასხმაზე პასუხისმგებლობა ტერორისტულმა ორგანიზაცია „ისლამურმა სახელმწიფომ“ აიღო, – იუწყება SITE Intellegence Group, რომელიც  ინტერნეტში ისლამისტი ტერორისტებისა და მათი მხარდამჭერების მონიტორინგს ახორციელებს. ორგანიზაციის ინფორმაციით, თავდასხმა ე.წ. „კავკასიის ვილაიათის“ „ბოევიკებმა“ განახორციელეს.