ნიკა გვარამიას ცემაში ბრალდებულ რატი გაჩეჩილაძეს 3100-ლარიანი ჯარიმა შეეფარდა

0
399
ნიკა გვარამიას ცემაში ბრალდებულ რატი გაჩეჩილაძეს  ჯარიმა შეეფარდა.
 
თბილისის საქალაქო სასამართლოს მოსამართლე ლავრენტი მაღლაკელიძემ გაჩეჩილაძე ტელეკომპანია ”რუსთავი 2”-ის გენერალური დირექტორის ნიკა გვარამიას ცემაში დამნაშავედ სცნო და მას სასჯელის სახით ჯარიმა – (3100 ლარი)  დააკისრა. 
 
მოსამართლემ სასჯელის გამოყენებისას, იმ გარმემოებებით იხელმძღვანელა, რომ რატი გაჩეჩილაძე დანაშაულს აღიარებს და წარსულში ნასამართლევი არაა.
 
გაჩეჩილაძეს შეფარდებული ჯარიმიდან 100 ლარი, პატიმრობაში გატარებული პერიოდის სანაცვლოდ ჩამოაკლდა და საბოლოოდ მას 3 ათას ლარიანი ჯარიმის გადახდა დაეკისრა.
 
ტელეკომპანია ”რუთავი 2”-ის გენერალურ დირექტორს ნიკა გვარამიას ფიზიკურად 7 იანვარს თბილისის ერთ-ერთ რესტორანში გაუსწორდნენ. ინციდენტიდან რამდენიმე საათში რატი გაჩეჩილაძემ ნიკა გვარამიას ცემის ფაქტი აღიარა და პოლიციას ჩაბარდა. მას აღკვეთის ღონისძიების სახით 5 ათას ლარიანი გირაო ჰქონდა შეფარდებული. 
წინა სტატიაგანათლების მინისტრის ინფორმაციით უფასო ფაკულტეტების რაოდენობა მცირდება
შემდეგი სტატიაგალში მორიგი სამუშაო შეხვედრა კვლავ უშედეგოდ დასრულდა.
ტელეკომპანია ოდიშის საინფორმაციო სამსახური