გავრცელებული ინფორმაციით, სამართალდამცავებმა ზუგდიდში მიკროსაფინანსო ორგანიზაცია „ლენდოს“ დაყაჩაღებაში ეჭვმიტანილი დააკავეს. შსს-ში ამ თემასთან დაკავშირებით, კომენტარს აკეთებენ და აცხადებენ, რომ დაკავებულია ერთი პირი, რომელსაც გამოძიება სსკ-ის 179-ე მუხლით გათვალისწინებული დანაშაულის ჩადენას ედავება, რაც ყაჩაღობას გულისხმობს. არსებული ინფორმაციით, დაკავებული გ.კ. სამეგრელო-ზემო სვანეთის მხარის ეროვნული სატყეო სააგენტოს თანამშრომელია. მანამდე, ის ფოთის პოლიციაში მუშაობდა.ცნობისთვის, ზუგდიდში, რუსთაველის ქუჩაზე მდებარე მიკროსაფინანსო ორგანიზაცია „ლენდო“ ერთმა ნიღბიანმა პირმა დააყაჩაღა. წაღებულია, დაახლოებით, 5 ათასი ლარი.