ქალაქ ზუგდიდში, მესამე საჯარო სკოლის მიმდებარე ტერიტორიაზე მცირე ინციდენტი მოხდა საპატრულო პოლიციის წარმომადგენლებსა და მოქალაქე თემურ ხარლამპიდს შორის. როგორც ხარლამპიდმა განაცხადა, ის ქალაქში საკუთარი ავტომობილით მოძრაობდა, რა დროსაც საპატრულო პოლიციის თანამშრომლებმა ღვედის არქონის მიზეზით გააჩერეს, თუმცა თავად საპირისპიროს ირწმუნება. მისივე განცხადებით, ეს არ არის პირველი შემთხვევა. მცირე ინციდენტისას ხარლამპიდი შეუძლოდ გახდა და მას დახმარება სასწრაფო დახმარების ბრიგადამ გაუწია.
აღნიშნულს ადასტურებს თემურ ხარლამპიდის დაც,რომლის განცხადებით, ღვედი ორივეს ეკეთათ და მოძრაობის კანონი არ დაურღვევიათ.
საპატრულო პოლიციის წარმომადგენლებმა მოქალაქე თემურ ხარლამპიდი ალკოტესტზეც შეამოწმეს, თუმცა სიმთვრალე არ დაუდგინდა. პატრულის თანამშრომლებმა მას არც 40 ლარიანი ჯარიმა გამოუწერეს.