"ვეხმაურები ამ კონკრეტულ ფრაზას მხოლოდ და მხოლოდ იმიტომ, რომ მოსახლეობა, ბათუმელები შეაწუხეს ეს რამდენიმე დღე ერთი და იგივეს ტრიალით და სიცრუის ტირაჟირებით. ძალიან კარგად ვიცი რამდენად სენსიტიური თემაა ეს თითოეული აჭარელისთვის," – წერს კალაძე და განმარტავს, რომ მის მიერ ეთნიკური დაპირისპირების მცდელობის პროვოცირების შესახებ განცხადება ჩვეულებრივი ფრაზა იქნებოდა, რომ "არა მცდელობა რამდენიმე გაკოტრებული პოლიტიკოსისგან და მათთან ასოცირებული ჟურნალისტებისგან ამ ფრაზისთვის თავისთვის სასურველი ინტერპრეტაცია მიეცათ."

კალაძის განმარტებით, "თათრის ძახილი", დაგეგმილი პროვოკაცია იყო, რომელიც მიზნად ისახავდა აქციისთვის ეთნიკური ელფერის მიცემას და ქვეყნის სხვადასხვა კუთხის მოსახლეობის ერთმანეთთან კუთხურობის ნიშნით დაპირისპირებას.

"და ამის საფუძველზე ვიღაც ჟურნალისტის კონკრეტული პარტიული ინტერესის გამო აგორებულ კამპანიას აყვა ყველა ის, ვისაც თავის წარმოჩენის სურვილი გაუჩნდა. სამწუხაროა ხალხის ნერვებზე ასეთი ფორმით თამაში. თორემ პირადად ჩემს ნერვებს ცილისწამება და სიცრუე ვერც აქამდე აკლებდა რამეს, ვერც მომავალში გავახარებ მსურველებს," – წერს კალაძე Facebook-ზე.