ჟურნალისტ ელისო კილაძის შვილს დავით ხარშილაძეს სასამართლომ წინასწარი პატიმრობა შეუფარდა. ინფორმაციას სოციალურ ქსელში თავად ელისო კილაძე ავრცელებს.
შინაგან საქმეთა სამინისტროს კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, ოპერატიული ინფორმაციის საფუძველზე ჟურნალისტ ელისო კილაძის შვილი დავით ხარშილაძე 13 მარტს დააკავეს.
დავით ხარშილაძე სისხლის სამართლის კოდექსის 260-ე მუხლის პირველი ნაწილით არის დაკავებული, რაც ნარკოტიკული საშუალების, მისი ანალოგის ან პრეკურსორის უკანონო დამზადებას, წარმოებას, შეძენას, შენახვას, გადაზიდვას, გადაგზავნას ან გასაღებას გულისხმობს და 11 წლამდე თავისუფლების აღკვეთას ითვალისწინებს.