გუშინ თბილისში, კლდიაშვილის ქუჩაზე გაჩენილი ხანძრის შედეგად დაზარალებულმა  მოსახლეობამ წუხანდელი  ღამე სხვადასხვა სასტუმროში გაათია.

 

ზარალის დათვლა ჯერაც მიმდინარეობს, მაგრამ უკვე დადგენილია, რომ დამწვარია 2 500 კვადრატული მეტრის საცხოვრებელი ფართი . 

დაზარალებულია 70-მდე ოჯახი, ჯანმრთელობის მსუბუქი დაზიანება კი 3-მა მეხანძრემ მიიღო.

ხანძრის გამომწვევი მიზეზები დაზუსტებული არ არის, მაგრამ სავარაუდოდ ცეცხლი დაუდევრობით გაჩნდა. ხანძრის კერა სამსართულიანი სახლის სახურავზეა მიგნებული 

გამოძიება სისხლის სამართლის კოდექსის 188-ე მუხლით მიმდინარეობს, რაც დაუდევრობით სხვისი ნივთის დაზიანებას გულისხმობს.

 

,,მოსახლეობას მაქსიმალურად დავეხმარებით, – განაცხადა ქალაქის მერმა დავით ნარმანიამ   "საზოგადოებრივი მაუწყებლის" ეთერში. –   დღეიდან, იქ, სადაც უსაფრთხოა ცხოვრება, მოსახლეობა, რასაკვირველია, შევა თავის სახლებში, თუმცა არის დაზიანებული ბინებიც, სადაც აღდგენასთან დაკავშირებულ საკითხებზე ვიმუშავებთ, რათა დროულად აღდგეს.” 

 

მერის განცხადებაზე  რეაქცია სკეპტიკურია – მოსახლეობას არაერთგზის ნახა, რა ფასი აქვს მის ამგვარ განცხადებებს მაქსიმალური დახმარების შესახებ.