ადამიანის უფლებათა ევროპული სასამართლომ შესაძლოა უკვე დღეს მიიღოს გადაწყვეტილება გაახანგრძლივებს თუ არა შეჩერების მექანიზმს რუსთავი 2 – ის საქმესთან დაკავშირებით.
სტრასბურგის სასამართლოს პრესსამსახურის ცნობით, მხარეებს შორის კომუნიკაცია წერილობითი სახით ხდება. გადაწყვეტილება გამოქვეყნდება სასამართლოს ოფიციალურ ვებგვერდზე და მხარეებს დაეგზავნება. სწორედ ამიტომ არ იმყოფებიან რუსთავი 2-ის იურისტები სტრასბურგის სასამართლოში, ვინაიდან კომუნიკაცია წერილობითი სახით ხდება.
შეგახსენებთ, რომ გუშინ ევროსასამართლოში ქიბარ ხალვაში და მისი ადვოკატი, პაატა სალია იმყოფებოდნენ, რაც კარგს არაფერს ამბობს დაცვის მხარის პროფესიონალიზმზე
რაც შეეხება სტრასბურგის სასამართლოს გადაწყვეტილებას და მის გარშემო ატეხილ ხმაურს ხელისუფლებისა და მასთან ასოცირებული ,,საზოგადო მოღაწეების'' მხრიდან, რომელნიც ღია ტექსტით აცხადებენ, რომ აღსრულების მექანიზმის დროებითი შეჩერება სასამართლოზე გარკვეულ ძალთა ზეწოლის შედეგია, ეხმაურება ამერიკის შეერთებული შტატების ელჩი საქართველოში იან კელი.
იგი აცხადებს, , რომ ადამიანის უფლებათა ევროპულ სასამართლოზე რაიმე სახის ზეწოლის საფრთხე არ არსებობს.
მისი თქმით, აუცილებელია სხვადასხვა სასამართლო ინსტიტუტს მიეცეს საშუალება შეამოწმოს და შეისწავლოს საქმის ყველა მხარე.
„ადამიანის უფლებათა ევროპული სასამართლო ძლიერი და დამოუკიდებელი ინსტიტუტია. არანაირი სახის დაშინების საფრთხეს ვერ ვხედავ ამ ინსტიტუტის მიმართ. ჩემი აზრით, მთავარია მივცეთ სხვადასხვა სასამართლო ინსტიტუტს შეამოწმოს საქმის ყველა მხარე. ნებისმიერ დემოკრატიულ საზოგადოებაში ეს არის სამართლიანობის საფუძველი. ვერც კი დავუშვებ, რომ ევროპულ სასამართლოზე ვინმე ზეწოლას ახდენდა,“ – განაცხადა იან კელიმ.
შეგახსენებთ, რომ სტრასბურგის სასამართლომ რუსთავი 2-თან დაკავშირებით საქართველოს უზენაესი სასამართლოს მიერ მიღებული გადაწყვეტილების აღსრულება 8 მარტამდე შეაჩერა.