საყოველთაო დაზღვევა  ისეთი სახით, როგორიც დღეს არსებობს,აღარ იქნება – უახლოეს ხანებში მისი დიფერენცირება იგეგმება.

ცვლილებები პირველ რიგში შეეხება   მაღალშემოსავლიან მოქალაქეებს, რაც შეეხება სხვა კატეგორიებს, დეტალები ჯერჯერობით არ ხმაურდება. როგორც საქართველოს შრომის, ჯანმრთელობისა და სოციალური დაცვის  მინიტრმა დავით სერგეენკომ განაცხადა,   სამინიტრო დეტალების გასაჯაროებას ამ კვირაში გეგმავს.

 

"სიების ანალიზმა გვაჩვენა, რომ შემოსავლების მიხედვით პირველი კატეგორიაა, რომელსაც 40 000 ლარზე მეტი ჰქონდა წელიწადში შემოსავალი. ისინი ოფიციალურად იხდიან მოგების გადასახადს. ასეთია 32 000 ადამიანი. მათგან 20 000 სარგებლობდა კერძო დაზღვევით. ხოლო 10 000-ს ჰქონდა მცდელობა ესარგებლა საყველთაოთი. თუმცა, მათ აქვთ ამის მატერიალური შესაძლებლობა და საყოველთაო ჯადაცვის პოლისშიც ასე წერია. შესაბამისად, პირველი დიფერენცირება იქნება მაღალშემოსავლიან მოქალაქეებზე. რაც შეეხება დანარჩენ დიფერენცირებას და ახალი კომპონენტების გაჩენას მოწყვლადი ნაწილისთვის, როგორიცაა ამბულატორიული მედიკამენტი, ამ კვირის განმავლობაში გვექნება ძალიან დეტალური საინფორმაციო კამპანია და პირადად გავაცნობ საზოგადოებას ყველა ამ დეტალს",- განუცხადა  ჟურნალისტებს დავით სერგეენკომ.