იარაღი, რომელიც ე.წ. ციანიდის საქმეზე დაკავებული დეკანოზის გიორგი მამალაძის ბინიდან ამოიღეს პროკურატურის მთავარ მოწმეს, ჟურნალისტ ირაკლი მამალაძეს ეკუთვნის.- აცხადებს დეკანოზის ადვოკატი მიხეილ რამიშვილი.
” ძველით ახალ წელს მისულა დეკანოზთან. პრობლემა მაქვს პოლიციასთან, ამიტომ არ მინდა, სახლში მქონდეს და გთხოვ, შემინახეო.
როცა იარაღი მიუტანა, მაშინ უკვე დაწყებული იყო საქმის მოკვლევა, როგორც ჩანს, იფიქრეს, თავი დავიზღვიოთ, საქმე გავამყაროთ მტკიცებულებითო და ირაკლი მამალაძემაც მიუტანა იარაღი. კარგად იცოდა, რომ შეუნახავდა. მამა გიორგიმ უთხრა კიდეც, თუ ეს იარაღი არაოფიციალურია, ჩააბარე პოლიციას და მოიშორეო. ცოტა ხანი იყოს შენთან და მერე წავიღებო.
სწორედ ეს იარაღი ამოიღეს მამა გიორგის ბინიდან. პროკურატურას ნამუსი რომ ჰქონდეს, ცრუ დასმენისთვის ირაკლი მამალაძეს უნდა აგებინოს პასუხი, ამის ნაცვლად ის დაცვით დადის დღეს და უტიფრად გაიძახის, პატრიარქის მოწამვლა იგეგმებოდაო”- ამბობს მიხეილ რამიშვილი.