გუშინ, გვიან ღამით ქიბარ ხალვაშის ადვოკატი პაატა სალია საქართველოდან მიუნხენის რეისით გაემგზავრა. აეროპორტში რუსთავი 2 – ის ჟურნალისტის მიერ დასმულ კითხვაზე, უკავშირდება თუ არა მისი გამგზავრება ევროპაში უზენაესი სასამართლოს მიერ რუსთავი 2-ის საქმეზე მიღებული გადაწყვეტილების შეჩერებას, განაცხადა, რომ მას პირადი შეხვედრები აქვს დაგეგმილი და მისი ვიზიტის მიზანი არ არის წარმოადგინოს იქ ქიბარ ხალვაშის მხარე.
რაც შეეხება სტრასბურგში 8 მარტს ჩანიშნულ განხილვას, მისი განცხადებით, ქიბარ ხალვაში მოვლენების განვითარებას ელოდება.