"თუ მქონდა ციანიდი და თუ ვაპირებდი პატრიარქის, შორენას თუ სხვა მაღალი იერარქიის სასულიერო პირის მოწამვლას, მაშინ ამ წყევლით იცხოვროს ჩემმა შთამომავლობამ, თუ არა და თქვენმა"- ამ შინაარსის ჩანაწერი გადასცა დაკავებული დეკანოზის ადვოკატმა პროკურორებს".
საინტერესოა, რატომ აღიქვეს ეს წყევლად ე.წ. ციანიდის საქმის პროკურორებმა და, სახელდობრ, პროკურორმა ჯარჯი წიკლაურმა, რომელმაც განგაში ატეხა მედიაში ე.წ. მატროსოვის ციხიდან გამოსვლის შემდეგ.
როგორც პროკურორმა აღნიშნა, ისინი მზად იყვნენ ბრალდებულის დაკითხვისთვის, თუმცა დეკანოზმა კითხვებზე პასუხის ნაცვლად, ადვოკატების მეშვეობით მათ „წყევლა შეუთვალა“.
„ნაცვლად იმისა, რომ ბრალდებულს გაეცა ჩვენ კრიტიკულ კითხვებზე პასუხები, მან შემოგვითვალა წყევლა ჩვენს მიმართ და ზოგადად სამართალდაცავი უწყებების მიმართ“ , – განაცხადა ჯარჯი წიკლაურმა.
საკუთარ სიმართლესა და ობიექტურობაში დარწმუნებული ადამიანი დეკანოზის შემონათვალს თავის თავზე არ მიიღებდა, მაშ რა აშინებს ჯარჯი წიკლაურს?
.