სენაკში, რამდენიმე დღის წინ დაკარგულ რვა წლის ბავშვს მდინარე ტეხურაში ეძებენ. არსებული ინფორმაციით, მოზარდი მდინარის პირას ჯართს აგროვებდა და წყალში ჩავარდა. როგორც ირკვევა, ამ დროს მდინარის პირას იმყოფებოდა კიდევ ერთი პირი, რომელმაც დახმარება არ აღმოუჩინა მას. შინაგან საქმეთა სამინისტროს პრესსამსახურში აცხადბენ, რომ ეს პირი დაკავებულია.
მომხდარზე გამოძიება მიმდინარეობს სისხლის სამსართლის კოდექსის 129-ე მუხლით, რაც სიცოცხლისთვის საშიშ მდგომარეობაში მყოფისთვის აუცილებელი და აშკარად გადაუდებელი დახმარების გაუწევლობას გულისხმობს.
უწყების ინფორმაციით, სამძებრო-სამაშველო სამუშაოები მდინარე ტეხურაზე ამ დრომდე მიმდინარეობს.
მოზარდი 24 თებერვალს დაიკარგა. არსებული ინფორმაციით, ბავშვს გულის დაავადება აწუხებდა და ქირურგიული ჩარევა ესაჭიროებოდა. მოზარდის დედა, მცირეწლოვან ქალიშვილთან ერთად, თურქეთში სამუშაოდ იყო წასული. რვა წლის ბავშვი კი, მამასთან ერთად, ნაქირავებ ბინაში ცხოვრობდა.