შეწყალების კომისიამ 16-დან 21 თებერვლის ჩათვლით იმსჯელა და 890 მსჯავრდებულის საქმე განიხილა.
საქართველოს პრეზიდენტმა 157 მსჯავრდებული შეიწყალა.
მათგან 93 დღეს დატოვებს სასჯელაღსრულების დაწესებულებას.
93 შეწყალებული მსჯავრდებულიდან 6 ქალია, ხოლო 1 არასრულწლოვანი. მათ საპატიმრო სასჯელი გაუუქმდათ. 64 მსჯავრდებულს კი სასჯელი შეუმცირდა. – ამის შესახებ დღეს გამართულ ბრიფინგზე შეწყალების კომისიის თავმჯდომარემ ზვიად ქორიძემ განაცხადა.