სამეგრელოში პირველი რობოტიზირებული ფერმა აშენდება

ბელარუსული “ბიოკომ ტექნოლოგი” საქართველოში, კერძოდ აბაშასა და მარტვილში რობოტიზირებული მეცხოველეობის ფერმის მოწყობას განიხილავს. აღნიშნულ საკითხზე პარლამენტის აგრარულ საკითხთა კომიტეტის თავმჯდომარემ ოთარ დანელიამ ბელარუსის რესპუბლიკის ინოვაციური კომპანიის „ბიოკომ ტექნოლოგის“ წარმომადგენლებთან შეხვედრაზე იმსჯელა.„მსგავსი ფერმის მოწყობა კარგ პირობებს ქმნის იმისათვის, რომ უზრუნველყოფილი იყოს ნატურალური რძის წარმოება. საბოლოო ჯამში ადამიანის ჯანმრთელობისთვის უვნებელ პროდუქტს ვღებულობთ, რაც ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების ერთ-ერთი პირობაა“, – განაცხადა ოთარ დანელიამ.„ბიოკომ ტექნოლოგიის“ წარმომადგენლებმა ქართულ მხარეს კომპანიის შესაძლებლობები და ახალი ტექნოლოგიები გააცნეს. როგორც მათ აღნიშნეს, ასეთი მიდგომა იძლევა მაღალ რენტაბელურ წარმოებას. ვინაიდან მსგავსი ტექნიკური საშუალება პროდუქციის თვითღირებულებას მკვეთრად ამცირებს.საუბარი შეეხო ასევე ორ ქვეყანას შორის სოფლის მეურნეობის მიმართულებით თანამშრომლობასა და სამომავლო პერსპექტივებს.

სამეგრელოში პირველი რობოტიზირებული ფერმა აშენდება

სიახლეები

ემუქრებიან რომ გააქრობენ, ჩემი შვილი საფრთხეშია – დავითაძის დედა

პაატა მანჯგალაძეს პროკურატურის სტანდარტითაც კი არ უდასტურდება სამართალდარღვევა – ადვოკატი

ვენეციის კომისიამ “გრანტების კანონზე” კრიტიკული დასკვნა გამოაქვეყნა

ადგილი აქვს მის მიმართ პროვოკაციულ ქმედებებს – დავითაძის ადვოკატი