ხმაური იყო გუშინ გვიან ღამით ურეკი – ნატანების იმ მონაკვეთზე, რომლის გავლითაც იგეგმება სამი გიგანტური ხის ტრანსპორტირება შეკვეთილში, ივანიშვილის დენდროლოგიურ პარკში.
ხეების გადატანა ნაციონალურმა მოძრაობამ გააპროტესტა, რასაც დაპირსპირებაც მოყვა კომპანია "ზიმოს" წარმომადგენლებთან.
ადგილზე სამართალდამცველებიც იმყოფებოდნენ. პარალალურად, ხეების გადასატანად და გზაზე შეფერხების თავიდან ასაცილებლად, გვიანობამდე ჭრიდნენ ტოტებს ქარსაფარი ზოლის ხეებს, რა დროსაც ცენტრალური გაზსადენი დაზიანდა.
დღესვე იგეგმება თბილისი – ბათუმის სარკიგნიგზო მიმოსვლის დროებით გაჩერება და ურეკი-შეკვეთილის მონაკვეთზე ელექტრო სადენების ჩახსნაც.
"მთელი სამსახურები ერთი კაცის ხუშტრებზეა აწყობილი. ივანიშვილს გონია, რომ მთელი საქართველო არის მისი საკუთრება და როგორც მოესურვება, ისე აკეთებს ყველაფერს. ამ ხეების გამო, ჩააბნელეს სოფლები, დაზიანდა გაზის მილები, იჭრება და იკაფება ხეები, რომელიც გადაადგილებაში ხელს უშლის მის ხეებს"-აცხადებს ენმ-ის ადგილობრივი ლიდერი, პარტიის პოლიტსაბჭოს წევრი გურიიდან დავით ჟავანაძე.