სოსო ოხანაშვილი ნაძირალაა- მამა მიქაელ ბოტკოველი პატრიარქის დაცვის უფროსთან დაპირისპირებას უარყოფს

პატრიარქის მდივანი დეკანოზი მიქაელი (ბოტკოველი) პატრიარქის დაცვის სამსახურის უფროს სოსო ოხანაშვილთან ფიზიკურ დაპირისპირებას არ ადასტურებს."სოსო ოხანაშვილი ისედაც დისკრედიტებულია. სისულელეების ლაპარაკს თავი დაანებოს. კომუნიკაცია არ გვქონია, არც სატელეფონო და მითუმეტეს, არც ფიზიკური. რა ნაძირალაც არის, დიდი ხანია ვიცი. შეიძლება ცდილობს, საზოგადოებას მოახვიოს აზრი, თითქოს ფიზიკურად გამისწორდა. ნაძირალაა და შეიძლება თქვას. კომუნიკაციის სურვილი თუ ექნება, საკადრის პასუხს მიიღებს", – ამბობს დეკანოზი მიქაელი.გავრცელდა ინფორმაცია, რომ პატრიარქის მდივანი და პატრიარქის დაცვის სამსახურის უფროსი ერთმანეთს ფიზიკურად გაუსწორდნენ.ინფორმაციას საპატრიარქოშიც უარყოფენ.დეკანოზი მიქაელი სოსო ოხანაშვილის განცხადების გამო გადადგა. "პატრიარქის მდივანმა იცრუა, როდესაც თქვა, რომ ბერლინიდან დაბრუნების შემდეგ საპატრიარქოში არ მივსულვარ", – განაცხადა პატრიარქის დაცვის უფროსმა.დეკანოზი მიქაელი, საკუთარი გადაწყვეტილების მიუხედავად, ილია მეორის მდივნის თანამდებობაზე რჩება. საპატრიარქოს ფონდის ხელმძღვანელის ინფორმაციით, მას უწმინდესთან გადაწყვეტილება არ შეუთანხმებია. ლაშა ჟვანიას განმარტებით, მდივნის დანიშვნა-გათავისუფლების საკითხს პატრიარქი წყვეტს.უცნობია სოსო ოხანაშვილის საკითხიც. საპატრიარქოს ფონდის ხელმძღვანელის თქმით, პატრიარქის დაცვის სამსახური შინაგან საქმეთა სამინისტროს დაქვემდებარებაშია, შესაბამისად, სამსახურის უფროსის დანიშვნა-გათავისუფლების გადაწყვეტილება უწყებამ უნდა მიიღოს. ოხანაშვილი საკუთარი გადაწყვეტილების მიზეზებს რამდენიმე დღეში გაასაჯაროებს.დეკანოზი მიქაელი თანამდებობაზე დაბრუნებას არ აპირებს.

სოსო ოხანაშვილი ნაძირალაა- მამა მიქაელ ბოტკოველი პატრიარქის დაცვის უფროსთან დაპირისპირებას უარყოფს

სიახლეები

ჩეხეთმა ქართული დიპლომატიური და სამსახურებრივი პასპორტებისთვის უვიზო რეჟიმი გააუქმა

ჩარლზ III- დღეს, როცა ტირანია კვლავ ემუქრება ევროპას, ერთად ვდგავართ უკრაინის მხარდასაჭერად

ბათუმის აეროპორტში ამოღებულია 4 კილოგრამამდე ნარკოტიკული საშუალება

შსს- დავაკავეთ კაცი, რომელმაც 2019 წელს მოქალაქე დაჭრა