ჩაფიძის კლინიკის პულმონოლოგიური დეპარტამენტის, პროფესორ თამაზ მაღლაკელიძის ინფორმაციით, დეკანოზ გიორგი მამალაძის ჯანმრთელობის მდგომარეობა იძლევა იმის საშუალებას სტაციონარი დატოვოს.
როგორც მაღლაკელიძემ ჟურნალისტებს განუცხადა, მიმდინარეობს მოლაპარაკებები ექიმებსა და სასჯელაღსრულების სამინისტროს შორის და მაგრამ მისთვის უცნობია კონკრეტული თარიღი, როდის დატოვებს კლინიკას დეკანოზი და გადაიყვანენ სასჯელაღსრულების დაწესებულებაში.
"პაციენტის მდგომარეობა დამაკმაყოფილებელია. თავს უკეთესად გრძნობს. ცხელება არ აქვს. აღენიშნება დადებითი დინამიკა ლაბორატორიული და კლინიკური მონაცემების მიხედვით. განსაკუთრებით ანთების მარკერები რომლებიც ჩვენთვის სპეციფიურია, ქვემოთ წამოვიდა. არ არის ჩივილებიც. ექიმებს შორის, სასჯელაღსრულების სამინისტროსთან, მოლაპარაკება მიმდინარეობს იმასთან დაკავშირებით, რომ პაციენტმა გააგრძელოს მკურნალობა დანიშნულების მიხედვით. თარიღი კონკრეტდება. მწვავე პერიოდი გავლილია და პაციენტი მიდის გამოჯანმრთელებისკენ., დეკანოზი დამატებით კვლევებს აღარ საჭიროებს .მისი ჯანმრთელობის მდგომარეობიდან გამომდინარე, შესაძლებელია სტაციონარი დატოვოს", – განაცხადა თამაზ მაღლაკელიძემ.