ზუგდიდის ცენტრში, კოსტავას ქუჩაზე, ინციდენტი მოხდა-თვითმხილველების თქმით, მოქალაქე მივიდა ლომბარდში და ლომბარდის მეპატრონეს რუსლან ჩუხუას პირადი ნივთების დაბრუნება მოთხოვა. მოქალაქეს ლომბარდში ოქრო ჰქონდა ჩაბარებული, რომლის საფასურიც სამი თვის წინ გადაიხადა, თუმცა მას ძვირფასეულობა არ დაუბრუნეს. თვითმხილველებისვე ინფორმაციით, მოქალაქე ბენზინის გადასხმით და თავის დაწვით დაიმუქრა. ინციდენტის ადგილზე მობილიზებული იყო სასწრაფო დახმარება და სახანძრო. ადგილზე მისულ ჟურნალისტებს არც ლომბარდის მეპატრონე და არც მოქალაქე არ დახვედრიათ.