თურქეთის პოლიციამ გერმანული გაზეთის Welt-ის ჟურნალისტი დააპატიმრა. მას ბრალად ედება ტერორისტული ორგანიზაციის წევრობა, მონაცემების არასწორი გამოყენება და ტერორისტული პროპაგანდა, – წერს Associated Press-ი.

 

სააგენტოს ინფორმაციით, ჟურნალისტ დენიზ იუსელი, რომელსაც ორმაგი – გერმანიის და თურქეთის მოქალაქეობა აქვს, თურქეთის ენერგეტკის და ბუნებრივი რესურსების მინისტრის ბერატ ალბაირაკის საფოსტო ყუთის გატეხვის ამბავს აშუქებდა. ალბაირაკის წერილები მოგვიანებით WikiLeaks-მა გამოაქვეყნა.

 

ბერატ ალბაირაკი თურქეთის პრეზიდენტის რეჯეფ თაიფ ერდოღანის სიძეა. WikiLeaks-მა 57 ათასზე მეტი ელექტრონული წერლი გამოაქვეყნა, რომლებიც 2000-2016 წლებით თარიღდება და უმრავლესობა არის მიმოწერა თურქ პოლიტიკოსებთან, ბიზნესმენებთან და ოჯახის წევრებთან.

 

Welt-ის-ის მთავარმა რედაქტორმა იუსელს შესანიშნავი თანამშრომელი უწოდა და იმედი გამოთქვა, რომ სამართლიანი სასამართლო განხილვა მის უდანაშაულობას დაამტკიცებს.

 

განცხადება, გერმანიის საგარეო საქმეთა სამინისტრომაც გაავრცელა, რომლის ცნობითაც ჟურნალისტი ხუთშაბათს დააპატიმრეს. “ჩვენ იმედი გვაქვს რომ ბატონი იუსელის საქმეს კანონის უზენაესობის პრინციპის დაცვით გამოიძიებენ და მას მოეპყრობიან სამართლიანად, კერძოდ, თურქეთის კონსტიტუციით გარანტირებული პრესის თავისუფლების დაცვით”, – ნათქვამია გერმანიის საგარეო უწყების განცხადებაში.