პნევმონიის დიაგნოზით გარდაცვლილი 19 წლის შოთიკო ცირგაიას დედამ შიმშილობა შეწყვიტა. ინფორმაციას ამის შესახებ ინტერპრესნიუსი ავრცელებს. ირინა წურწუმიას თქმით, პროკურატურამ მას ექსპერტიზის პასუხი უჩვენა.
„ვინაიდან სხვა საგამოძიებო მოქმედებებს დროს ჭირდება, შიმშილობის აქციას ვწყვეტ. იმედი მაქვს, სიმართლე გაირკვევა და კითხვის ნიშნები არ დარჩება“, – განაცხადა წურწუმიამ.
შოთიკო ცირგაია პნევმონიის დიაგნოზით საავადმყოფოში გასული წლის 17 ნოემბერს მოათავსეს, თუმცა ჯანმრთელობის მდგომარეობის გაუარესების გამო მისი გადაყვანა 30 ნოემბერს სხვა კლინიკაში სცადეს, თუმცა ავადმყოფი ტრანსპორტირებისას გარდაიცვალა.
დღეს დილით კი გარდაცვლილის დედამ ზუგდიდის რეფერალური ფოსპიტალის წინ შიმშილობა დაიწყო.