მეოთხე დღეა მთავრობის კანცელარიის ფოიეში მშრალად შიმშილობს აფხაზი სეპარატისტების ტყვეობაში მყოფი გიორგი ლუკავას მეუღლე, რვა შვილის დედა ლალი ბასარია. იგი ხელისუფლების უმოქმეედობას აპროტესტებს და ხელისფლებისაგან მოითხოვს კონკრეტული ნაბიჯებს მისი მეუღლის გათავისუფლებისატვის.
გუშინ იგი ერთიანი ნაციონალური მოძრაობის წევრებმა ნ მოინახულეს, ნიკა რურუა ხელისუფლებას საკუთარი მოქალაქისადმი უყურადღებობაში ადანაშაულებს.
„მივმართავ ხელისუფლებას, აბსოლუტურად უყურადღებოს აქამდე და აბსოლუტურად უდარდელს, რომ დაინტერესდეს ჩვენი ჯარისკაცის ბედით. ასეთი უგულებელყოფა საკუთარი მოქალაქის და განსაკუთრებით, მეომრის, ყოველთვის ცუდად მთავრდება. ეს აისახება ჯარზე, მის მორალზე, საერთოდ, მოქალაქეების სახელმწიფოსადმი ნდობაზე,“ – აცხადებს ნიკა რურუა.
„ორშაბათს მე სხვა ფორმას უნდა მივმართო შიმშილობის, რომ მე ამ ხელისუფლებას ვაგრძნობინო, რომ ჩვენც ადამიანები ვართ და ჩვენ გვაქვს მოთხოვნის უფლება, რეალობაში ჩვენ არ ვითხოვთ ფულს, საჭმელს ჩვენ ვითხოვთ ადამიანის სიცოცხლის შენარჩუნებას და მის დაბრუნებას ოჯახში,“ – განაცხადა ლალი ბასარიამ.