ნაციონალური მოძრაობის ოფისში დასრულდა სპეციალური ბრიფინგი, რომელიც რუსთავი2-ის საქმის მოსამართლის ნატა ნაზღაიძის ოჯახისთვის 1 მილიონი ლარის გადაცემის საკითხს მიეძღვნა.
ნაციონალური მოძრაობის მოთხოვნები ჟურნალისტებს ხატია დეკანოიძემ, გააცნო.
პარტია თვლის, რომ აუცილებელია:
"საერთო სასამართლოების კანონის შესაბამისად, იუსტიციის საბჭოსგან უფლებამოსილება შეუწყდეს კორუმპირებულ ნაზღაიძეს.
"დიდმა პალატამ გააუქმოს მოსამართლე ნაზღაიძის მიერ გამოტანილი განაჩენი რუსთავი 2-ის საქმეზე.
"გაუქმდეს კორუმპირებული გარიგება, ხელშეკრულება მოსამართლე ნაზღაიძესა და თბილსის მერიას შორის. ხალხის კუთვნილი ფული დაბრუნდეს ბიუჯეტში.
"მოხდეს თბილისის მერის იმპიჩმენტი .''
"დაისაჯოს ყველა უფლებამოსილი პირი, რომლებმაც დანაშული ჩაიდინეს"- განაცხადა ხატია დეკანოიძემ.
ნაციონალური მოძრაობა აცხადებს, რომ მონიტორინგს გაუწევს ხელისუფლების რეაგირებას ამ საქმეზე, რომელიც კორუფციის კიდევ ერთ დადასტურებასთან ერთად თავისუფალი მედიის წინააღმდეგ ხელისუფლების ბრძოლის ნაწილია.