რამდენიმე დღეა სოციალურ ქსელებში არაბულ სააგენტოებზე დაყრდნობით ა ვრცელდება ინფორმაცია, რომ სირიის პრეზიდენტმა, 51 წლის ბაშარ ასადმა ინსულტი მიიღო და მისი ჯანმრთელობის მდგომარეობა კრიტიკულია.
ლიბიის, სირიისა და საუდის არაბეთის რიგი სააგენტოების ცნობით, იგი დამასკოს ერთერთ კლინიკაშია გადაყვანილი და გაძლიერებული დაცვის ქვეშ იმყოფება. მართალია, მისი მდგომარეობა მკურნალობას ექვემდებარება, მაგრამ საეჭვოა, ფეხზე გავლა და აქტიური საქმიანობა შეძლოს.
მეორე ვერსიით, სირიის პრეზიდენტი დაჭრილია. რამდენიმე არაბული გამოცემა ამტკიცებს, რომ მასზე თავდასხმა მოხდა.
ვრცელდება ვერსიები მისი პოლონიუმით მოწამვლის შესახებაც, რაც რუსეთის სპეცსამასახურის მიერ არაერთგზის აპრობირებული მეთოდია ,,უხერხული'' პარტნიორებისა და მასთან დაპირისპირებული პოლიტიკური და საზოგადოებრივი მოღვაწეების ჩამოსაშორებლად.
არის აგრეთვე ვერსია, რომ ასადს თავის ტვინის სიმსივნე აქვს – ამ ინფორმაციას ტელე არხი ,, ალ-არაბია'' ავრცელებს ლიბანის გაზეთ ,,ალ – მუსტაკბალზე'' დაყრდნობით. ინფორმაციაში ნათქვამია, რომ ასადი 2016 წლის ოქტომბერში, მოსკოვში გასაიდუმლოებული ვიზიტისას მსგავსი შეტევის გამო მოსკოვის კლინიკაში მოხვდა და სერიოზული გამოკვლევის შედეგად ეს დიაგნოზი დაუდგინდა, მას შემდეგ იგი სირიელი და რუსეთიდან მიწვეული ექიმების დაკვირვების ქვეშ იმყოფება.
სირიის მთავრობა გავრცელებულ ინფორმაციას უარყოფს და აცხადებს, რომ ასადი საკუთარ მოვალეობას ძველებურად ასრულებს.