მონადირეებმა აქცია დღეს გუბერნიასთან გამართეს. მათი მოთხოვნა უცვლელია, ისინი გადამფრენ ფრინველზე ნადირობის ნებართვას ითხოვენ.აქციის მონაწილეებს სამეგრელო-ზემო სვანეთის გუბერნატორის მოადგილე კობა ქანთარია შეხვდა, რომელმაც მონადირეებს პირობა მისცა, რომ პრობლემის მოგვარებაში გუბერნია მათ აუცილებლად დაეხმარება.“ ჩვენთვის მონადირეების პრობლემა ცნობილია და ვეცდებით ყველანაიარად რომ მოვუგვაროთ ეს პრობლემა. რასაც ისინი ითხოვენ, გარემოს დაცვის სამინისტროს პრეროგატივაა და ჩვენ ამ თემაზე საუბარი რამდენჯერმე გვქონდა“- განაცხადა ქანთარიამ. თავად მონადირეებს არ აქვთ მოლოდინი, რომ პრობლემა მათ სასარგებლოდ გადაწყდება. აქციის მონაწილეები მოლაპარაკების უშედეგოდ დასრულების შემთხვევაში გზების გადაკეტვით და საპროტესტო აქციებით იმუქრებიან. „ სულ ერთი თვეა დარჩენილი ნადირობის დასრულებამდე და თუ არ მიხედეს დროულად,, გზებს გადავკეტავთ და ყველა ზომას მივმართავთ. ჩვენ არ გვიშვებენ სანადიროდ, თვითონ კი დადიან და ნადირობენ“- აცხადებენ მონადირეები.კანონის თანახმად გადამფრენ ფრინველებზე ნადირობის სეზონი 1 მარტამდე გაგრძელდება. ნადირობა აკრძალულია სახელმწიფო ნაკრძალებსა და ეროვნულ პარკებში და მათ გარშემო 500-მეტრ ზონაში, ასევე, საქართველოს ქალაქების ადმინისტრაციულ საზღვრებში.