ე.წ. კორტების სპეცოპერაციის საქმეზე ბრალდებულებმა შიმშილობა გამოაცხადეს

0
394

ე.წ. კორტების სპეცოპერაციის საქმეზე ბრალდებულებმა – ირაკლი ფირცხალავამ და გიორგი ცააძემ შიმშილობა დაიწყეს. 
 
ბრალდებულები ითხოვენ გასაჯაროვდეს ის დოკუმენტი, რომლის თანახმადაც, შვიდი სპეცრაზმელი, რომელიც ამავე საქმეზე იყო ბრალდებული და ჩვენება მათ საწინააღმდეგოდ მისცა, ერთ საკანში იჯდა, რაც  კანონმდებლობის პირდაპირი დარღვევაა
 
ირაკლი ფირცხალავას ადვოკატის მალხაზ ველიჯანაშვილის განცხადებით,  ამ სპეცრაზმელების ერთ საკანში მოთავსებით დასტურდება, რომ მათ ჩვენებები შეათანხმეს. 
 
”ირაკლი ფირცხალავა და გიორგი ცააძე, პირველ რიგში, ითხოვენ გამოძიების დაწყებას ამ ფაქტთან დაკავშირებით და ასევე იმ დოკუმეტის გასაჯაროებას სასჯელაღსრულების სამინისტროსგან, რომლითაც დასტურდება, რომ ბრალდებულები ერთ საკანში იმყოფებოდნენ. ეს კანონმდებლობის პირდაპირი დარღვევაა. მოგეხსენებათ, გირგვლიანის საქმეზე სტრასბურგის სასამართლომ ერთ-ერთ დარღვევად სწორედ ის მიიჩნია, რომ საქმეზე ბრალდებულები ერთად იყვნენ მოთავსებულები საკანში ” – განაცხადა  მალხაზ ველიჯანაშვილმა. 
 
მისივე თქმით, ბრალდებულები იქამდე გააგრძელებენ შიმშილობას, სანამ მათი მოთხოვნები არ დაკმაყოფილდება. 
წინა სტატიადღეს გაიმართება შეხვედრა ვანო მერაბიშვილთან, პარტია მზად არის მისი ნებისმიერი სურვილი გაითვალისწინოს
შემდეგი სტატიაფრაქცია ,,ქართული ოცნება” საკონსტიტუციო სასამართლოს მოსამართლის პოსტზე მანანა კობახიძის კანდიდატურას ასახელებს
ტელეკომპანია ოდიშის საინფორმაციო სამსახური