55 ადამიანი, ძირითადად 14 – 18 წლის მოზარდები იმყოფებოდნენ სასკოლო ავტობუსში, რომელსაც საზარელი ავარია შეემთხვა იტალიაში. ავარიას 16 ადამიანი ემსხვერპლა, 39 კი დაშავდა. არის საშიშროება მსხვერპლის რაოდენობა გაიზარდოს.
შემთხვევა გვიან ღამით ქალაქ ვერონაში მოხდა, როცა მოზარდები საფრანგეთის სამთო კურორტიდან უნგრეთის ბუდაპეშტში ბრუნდებოდნენ – ავტობუსი ბოძს შეეჯახა, რის შედეგადაც ხანძარი გაჩნდა.
ავარიის მომენტში მგზავრების ნაწილი ჩამსხვრეული საქარე მინიდან გამოცვივდა, დანარჩენები კი ავტობუსში ჩარჩნენ და ცეცხლიდან ვერ გამოაღწიეს.
პოლიციის განცხადებით, დგინდება მიზეზი თუ რატომ დაკარგა მძღოლმა ავტობუსის მართვის კონტროლი, სავარაუდო მიზეზებად სახელდება მძღოლის გადაღლა ან გულის შეტევა