,, უტყუარი ინფორმაცია მაქვს იმის შესახებ, რომ დევნილთა სამინისტრო აპირებს დევნილთა ყოველთვიური დახმარების გაუქმებას – ამ განცხადებას ნაციონალური მოძრაობის წევრი ბესო წერედიანი აქვეყნებს – განიხილება ორი ვარიანტი, მოუხსნან ყველას ან იმათ, ვისაც სახელმწიფომ ბინები დაუმტკიცა.
დევნილთა სამინისტრო აპირებს დევნილთა ყოველთვიური დახმარების გაუქმებას ბესო წერედიანი ააცხადებს, რომ
ამ ვითარებაში, როდესაც დღევანდელი ხელისუფლების დამსახურებით ისედაც გაუსაძლისი გახდა ეკონომიკური მდგომარეობა, ამ ნაბიჯის გადადგმა კატასტროფა იქნება ისედაც უკიდურესად შეჭირვებული დევნილებისათვის, განსაკუთრებით კი რეგიონებში.
თუ ეს ინფორმაცია მცდარია, მზად ვარ ბოდიში მოვიხადო, მაგრამ თუ სიმართლეს შეესაბამება წარმოდგენაც კი არა გაქვთ იმდენად დიდ წინააღმდეგობას მიიღებთ.
გირჩევთ დააოკეთ სამინისტროს ზოგიერთი მაღალჩინოსნის თავის გამოჩენის მავნებლური ამბიციები და ნუ ეცდებით ეკონომიის გაკეთებას დევნილების ხარჯზე, მაგას ჯობს უაზროდ გაბერილი შტატები შეამციროთ და პრემიებს და დანამატებს მოუკლოთ!'' – წერს ბესო წერედიანი
არანაირი სხვა ინფორმაცია ამ შესაძლო გადაწყვეტილების შესახებ მედიაში და ოფიციალურ წყაროებში ჯერჯერობით არ გამოქვეყნებულა.
ცნობილია მხოლოდ ის, რომ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს აქვს ინიციატივა – „დევნილთა შემწეობის რეფორმების ალტერნატივები". ამასთან დაკავშირებით აფხაზეთის ავტონომიური რესპუბლიკის მთავრობის თავმჯდომარესთან შექმნილია სამუშაო ჯგუფი, რომლის დანიშნულებაა აღნიშნული დოკუმენტის პროექტის შესწავლა და წინადადებების შემუშავება.