„საერთაშორისო გამჭვირვალობა - საქართველოს“ დახმარებით, კიდევ ერთი მოქალაქის საკუთრების უფლება აღდგა.

„საერთაშორისო გამჭვირვალობა – საქართველოს“ დახმარებით, კიდევ ერთი მოქალაქის – აბელ კალანდიას საკუთრების უფლება აღდგა. აბელ კალანდიას ანაკლიაში მიწის ნაკვეთი 2001 წელს გადაეცა და იმავე წელს საჯარო რეესტრში კანონის სრული დაცვით დაარეგისტრირა. 2015 წელს მესაკუთრემ გადაწყვიტა, ანაკლიის ნაკვეთის საზღვრები და ფართობი დაეზუსტებინა და საჯარო რეესტრს მიმართა, თუმცა როგორც დადგინდა, მიწის ნაკვეთი საჯარო რეესტრის მიერ სახელმწიფოს საკუთრებად იყო დარეგისტრირებული და მოგვიანებით კი გასხვისებული.აბელ კალანდიამ დახმარებისთვის ჩვენი ორგანიზაციის ზუგდიდის ოფისს მიმართა. იურისტის, ლელა მოწონელიძის წარმომადგენლობით ზუგდიდის რაიონულმა სასამართლომ 2016 წლის 30 დეკემბერს, აბელ კალანდიას მოთხოვნა დააკმაყოფილა და მიწის ნაკვეთის სახელმწიფოს სახელზე პირველადი რეგისტრაცია გააუქმა. რაც შეეხება აღნიშნული მიწის ნაკვეთის შემდგომ რეგისტრაციას, ამ საკითხზე სასამართლო სამოქალაქო წარმოების წესით, 30 დეკემბრის გადაწყვეტილების კანონიერ ძალაში შესვლის შემდეგ იმსჯელებს.

„საერთაშორისო გამჭვირვალობა – საქართველოს“ დახმარებით, კიდევ ერთი მოქალაქის საკუთრების უფლება აღდგა.

სიახლეები

დაივიწყეთ მხოლოდ ჩემს გათავისუფლებაზე საუბარი, რეჟიმის ჩამოშლაზე ვკონცენტრირდეთ – ხოშტარია

ენმ-ში უმძიმესი კრიზისია, ვიღაცას ზედმეტად ვენდე… – სააკაშვილი

სიჩქარის გადაჭარბებაზე ჯარიმები მცირდება

ადამიანის უფლებათა კომისარი მაიკლ ო’ფლაერტი საქართველოს ხელისუფლებას რეკომენდაციით მიმართავს