ტელეკომპანია "რუსთავი 2"-ის გენერალური დირექტორის ნიკა გვარამიას ფიზიკური და სიტყვიერი შეურაცხყოფის  ბრალდებით დაკავებულ რატი გაჩეჩილაძეს თბილისის საქალაქო სასამართლომ აღმკვეთ ღონისძიებად გირაო 5 000 ლარი შეუფარდა და დარბაზიდან გაათავისუფლა.

მოსამართლემ აღნიშნა, რომ ნიკა გვარამიაზე განხორციელებული თავდასხმის ავტორი პატიმრობაში უკანონოდ იმყოფებოდა. სასამართლომ მიიჩნია, რომ ,,არ არსებობდა პირის დაკავების გადაუდებელი აუცილებლობა მიმალვის საფუძვლით, ვინაიდან რატი გ. საკუთარი ინიციატივით გამოცხადდა საგამოძიებო ორგანოში. 

წარდგენილი ბრალდების თანახმად, რატი გ.-ს ბრალად ედება ძალადობა, კერძოდ ცემა, რამაც დაზარალებულის ფიზიკური ტკივილი გამოიწვია, მაგრამ არ მოჰყოლია ჯანმრთელობის განზრახ მსუბუქი დაზიანება, რამაც მისი ხანმოკლე მოშლა ან საერთო შრომისუნარიანობის უმნიშვნელო ან არამყარი დაკარგვა გამოიწვია.''

რატი გაჩეჩილაძემ     სასამართლო დარბაზი ისე დატოვა, რომ     კომენტარები არ გაუკეთებია. უფრო მეტიც,  სირბილით გაარიდა თავი იქაურობას და ჟურნალისტებს . 

 სამაგიეროდ ამ ფაქტზე კომენტარები    არ წყდება სოციალურ ქსელში

,,ასეა, როცა მამაშენის     ძმაკაცი პრემიერმინისტრია"

,,ააწნავ სილას, მამა ჩაიყოფს ხელს ჯიბეში და გარეთ ხარ, სხვა ადრესატის ძებნას იწყებ.''

,,სიბნელეში გაქცევაც სხვა ჟანრია, რა: ბრალდებული სასამართლოს ტერიტორიიდან სირბილით გაუჩინარდა" 

კიდევ უფრო ლაკონურია ერთერთი ფესიბუქმომხმარებლის კომენტარი: ,,მოცოცხა!''

 

ცნობისთვის, წინასასამართლო სხდომა 20 თებერვალს 13.00 საათზე გაიმართება.