დააშრე ჭაობი – ამ სახელწოდებით პოლიტიკური პარტია გირჩი კამპანიას იწყებს. ზურა ჯაფარიძის განცხადებით, მძიმე ეკონომიკური მდგომარეობისა და ლარის გაუფასურების გამო ხელისუფლებას უნდა გაეტარებინა აუცილებელი რეფორმები და ბიუროკრატიული ხარჯები შეემცირებინა.გირჩმა კამპანიის ფარგლებში ჟურნალისტებთან ერთად აირჩია სხვადასხვა ბიუჯეტიდან დაფინანსებულ სახელმწიფო სტრუქტურა და მიმართა ხელისუფლებას გადაიღოს სტრუქტურის თანამშრომლის ერთი სამუშაო დღე, რომ საზოგადოებამ ნახოს რაში იხდიან გადასახადებს.უწყებების სიაში მოხვდნენ: სოლიდარობის ფონდი, მერია, მთაწმინდის გამგეობა, დევნილთა საარსებო წყაროებით უზრუნველყოფის სააგენტო, მეწარმეობის ხელშეწყობის ცენტრი.მეწარმეობის განვითარების სააგენტო, განათლების, სპორტის და ახალგაზრდულ საქმეთა საქალაქო სამსახური. განათლების და მეცნიერების სამინისტრო, ადიგენის, ასპინძის და ახალქალაქის სახელმწიფო რწმუნებულის ადმინისტრაცია.„ამ კამპანიის მიზანია საქართველოს მოქალაქეებს დავანახოთ რაში იხდიან გადასახადებს, რატომ უწევთ მათ გაზრდილი გადასახადების გადახდა,“-განაცხადა ზურა ჯაფარიძემ.