საქართველოს კათოლიკოს პატრიარქი ილია მეორე, რომელსაც რამდენიმე დღეა აღენიშნება გრიპის ვირუსი მაღალი ტემპერატურის ფონზე და ზოგადი სისუსტე , ამასთან ნაღვლის ბუშტის კენჭოვანი დაავადებით გამოწვეული მცირე დისკომფორტი, გართულებების თავიდან აცილების მიზნით დღეს დილით ფრიდონ თოდუას ცენტრში გადაიყვანეს. ამ დროისათვის გავრცელებული ცნობით, პატრიარქს უკვე ჩაუტარდა გამოკვლევა და კლინიკა დატოვა.
„პრევენციისთვის, ჩვენ გამოკვლევები ჩავატარეთ და ვნახეთ, რომ ნაღვლის ბუშტი გაღიზიანებულია. სპეციალისტები იმსჯელებენ და გაირკვევა, მკურნალობის ტაქტიკა შევცვალოთ თუ არა. . თავად წამობრძანდა და უკვე საპატრიარქოში ბრუნდება. ვირუსული ინფექციის ფონზე ყველა სავარაუდო გართულება შეიძლება გააქტიურდეს, პროვოცირება მისცეს. ამიტომ პროფილაქტიკისთვის გამოკვლევა ჩაუტარდა“, – განაცხადა საპატრიარქოს ჯანდაცვის დეპარტამენტის ხელმძღვანელის მოადგილემ, პატრიარქის ექიმმა ცისანა შარტავამ .