ორი საათის წინ მოსკოვში, მეტროს სადგურ ,,კოლომენსკაიას'' ვესტიბიულში გაზის ბალონი აფეთქდა და ხანძარი გაჩნდა.. თავდაპირველად გავრცელდა ცნობა, რომ დაშავებულია 7 ადამიანი, მათგან 4 გადაყვანილია საავადმყოფოში. მოგვიანებით კი გაირკვა, რომ კიდევ ექვსი ადამიანია დაშავებული სადგურის გარეთ. ჩამსხვრეულია სადგურის მინები, დაზიანებულია შენობის მეტალის კარკასი. დამწვარია დაახლოებით ხუთი კვადრატული მეტრი ფართობი, იყო ხანძრის უფრო დიდ ტერიტორიაზე გავრცელების რეალური საშიშროებაც, მაგრამ ადგილზე მისულმა სამაშველო სახანძრო სამსახურმა შეძლო ცეცხლის კერის ლოკალიზება . მეტროს სადგურს მომხდარის გამო მუშაობა არ შეუწყვეტია და ამჟამადაც ჩვეულ რეჟიმში აგრძელებს მუშაობას. მომხდართან დაკავშირებით აღძრულია სისხლის სამართლის საქმე. პირველადი მონაცემებით, ბალონი აფეთქდა შემდუღებელი სამუშაოების პროცესში.