„ჩვენ მიგვაჩნია, რომ ბიძინა ივანიშვილის დამარცხების ერთადერთი გზა არის ერთიანად, მათ შორის, მიხეილ სააკაშვილის ლიდერობით, რომელიც ამ მომენტში აქ არ იმყოფება და ქმედით თავმჯდომარესთან ერთად, ძველი და ახალი გუნდის ერთიანობით მოვახდინოთ ჩვენი ამომრჩევლების ბაზის ზრდა და ასე დავამარცხოთ ბიძინა ივანიშვილი. – ამის შესახებ ჟურნალისტებს „ერთიანი ნაციონალური მოძრაობის“ წევრმა, დეპუტატმა ელენე ხოშტარიამ ექს-პრეზიდენტის მიერ ზუგდიდში, „ნაციონალური მოძრაობის“ კონფერენციაზე ვიდეოჩართვისას გაკეთებულ განცხადებაზე კომენტირებისას განაცხადა.
ამასთან, ხოშტარიას თქმით, საქმე გვაქვს პარტიის განვითარებასთან დაკავშირებით ფუნდამენტურად განსხვავებულ ხედვებზე. ,,ძალიან სამწუხაროა, რომ მიხეილ სააკაშვილი გადასულია პარტიის რყევაზე და აბსოლუტურად უსაფუძვლო ბრალდებების წამოყენებაზე, – ამ საკითხზე საუბარმაც კი, სამწუხაროდ, მიხეილ სააკაშვილში, როგორც მაშინ პარლამენტში შესვლის საკითხმა, გამოიწვია ძალიან გაუგებარი რეაქცია. ის მთავარ ამოცანას აზარალებს იმით, რომ გადასულია შეურაცხყოფაზე და აბსოლუტურად გაუგებარ ბრალდებებზე“, – განაცხადა ელენე ხოშტარიამ.
,,თუ ფუნდამენტურ განსხვავებაშია საქმე, თქვენი ბაზა გვიჩვენეთ, და სააკაშვილის ბაზა თავის საქმეს გააკეთებს ''
,,როცა პირდაპირ ვერ ამბობ, რა გინდა, და აიხირებ თავმჯდომარის საკითხს… რა თავმჯდომარე, რის თავმჯდომარე, რა ძველი გუნდი, რა ახალი…'' – ასე გამოეხმაურნენ სოციალურ ქსელში ხოშტარიას კომენტარებს.