.ამ წუთებში ზუგდიდში , სოფელ ინგირში სამეგრელოს ნაციონალური მოძრაობის პარტიული ორგანიზაციების შეკრება მიმდინარეობს. შეკრებას სამასამდე დელეგატი ესწრება. შეკრებილები განიხილავენ ენმ – ში მიმდინარე პროცესებს და 20 იანვარს დაანონსებულ პარტიულ ყრილობასთან დაკავშირებულ საკითხებს.
მათ უკვე მიმართა სკაიპით საქართველოს ნაციონალური მოძრაობის ლიდერმა მიხეილ სააკაშვილმა. პარტია ეკუთვნის ხალხს, რომლის მხრებზეც არაერთმა ბრძოლამ გადაიარა და სწორედ ხალხი გადაწყვეტს ენმ-ს ლიდერის ბედს. – განაცხადა მან.
,,სამეგრელომ დაიქუხა! '', ,,მიშა იყო და იქნება პარტიის ლიდერი!'', ,,სრული მხარდაჭერა მიშას!!!'' – ამ სიტყვებით გადმოსცემენ შეკრებილთა უდიდესი უმრავლესობის განწყობას სატელეფონო საუბარში ადამიანები, რომელთაც ,,ოდიში ნიუსი'' დაუკავშირდა.
რეპორტაჟს, რომელსაც ადგილზე მყოფი ტელერადიოკომპანია ,,ოდიშის'' ჟურნალისტები ამზადებენ , უახლოეს ხანში შემოგთავაზებთ.