პოლონეთში მოქალაქეთა ანტისამთავრობო აქციები გრძედება. პარლამენტის ბლოკადის შემდეგ ათასობით ადამიანი პრეზიდენტის სასახლესთან შეიკრიბა და სეიმის შენობის მიმართულებით მსვლელობა მოაწყო.
დემონსტრანტები აპროტესტებენ ხელისუფლების გადაწყვეტილებებს პარლამენტში მედიის საქმიანობის შეზღუდვასთან დაკავშირებით. გუშინ ოპოზიციონერმა დეპუტატებმა სხდომაში მონაწილეობაზე უარი თქვეს და რამდენიმე საათით ტრიბუნის ბლოკირებაც მოახდინეს პროტესტის ნიშნად.
აქციებს გამოეხმაურა ქვეყნის ყოფილი პრემიერ-მინისტრი, ევროპული საბჭოს პრეზიდენტი დონალდ ტუსკიც. მან პოლონეთის ხელისუფლებას კონსტიტუციის პატივისცემისკენ მოუწოდა ,,თუ ადამიანებს უზღუდავენ ინფორმაციის ხელმისაწვდომობას და მოვლენათა ცალმხრვი გაშუქების მოდელს სთავაზობენ, დემოკრატია ისეთივე აუტანელი ხდება, როგორც დიქტატურა,ასე გამოეხმაურა იგი ხელისუფლების რეფორმებს.
პოლონეთის შინაგან საქმეთა მინისტრმა ოპოზიციის ქმედებები სახელმწიფო გადატრიალების მცდელობად შეაფასა.