მსოფლიო სირიელი ხალხის სოლიდარობის აქციებმა მოიცვა.ევროპის ქვეყნებში სირიაში მიმდინარე სამოქალაქო ომის წინააღმდეგ მასშტაბური დემონსტრაციები გაიმართა. ასობით ადამიანი გამოვიდა ლონდონის ქუჩებში.
"გადაარჩინეთ სირია", "შეწყვიტეთ სისხლისღვრა"- ამ შეძახილებით მომიტინგეებმა ტრაფალგარის მოედანზე მსვლელობა მოაწყვეს. კონფლიქტის დასასრულებლად დასავლელი ლიდერებისგან უფრო აქტიურ ქმედებებს მოითხოვდნენ გერმანიის დედაქალაქშიც.
საპროტესტო აქცია, რომელშიც ასობით ადამიანი მონაწილეობდა, ბერლინში პარლამენტის შენობასთან გაიმართა.
ნატო-ს გენერალური მდივანი მიიჩნევს, რომ სირიის კონფლიქტში ალიანსის ჩარევა ვითარების კიდევ უფრო ესკალაციას გამოიწვევდა. განცხადება ამის შესახებ იენს სტოლტენბერგმა გერმანული გამოცემა ბილდისთვის მიცემულ ინტერვიუში გააკეთა.
სტოლტენბერგის შეფასებით, სირია საშინელ ჰუმანიტარულ კატასტროფას განიცდის, თუმცა ალიანსის სამხედრო ძალების გამოყენება კონფლიქტის რეგიონულ დონეზე გაღრმავებისა და კიდევ უფრო მეტი უდანაშაულო ადამიანის დაღუპვის საფრთხეს ქმნის.
ინტერვიუს დროს ნატო-ს გენერალურმა მდივანმა რუსეთზეც ილაპარაკა და აღნიშნა, რომ ალიანს ახალი ცივი ომი არ სურს, თუმცა სტოლტენბერგი მოსკოვის წინააღმდეგ ევროკავშირის სანქციების გაგრძელებას მიესალმა.