ნაურუს ტრანსპორტის მინისტრი მოსკოვის ერთერთ სასტუმროში გარდაცვლილი იპოვეს.
სააგენტო ,,Москва’’ ცნობით, მოსკოვის პოლიციას ამ შემთხვევის შესახებ სასტუმრო ,,რენესანს მოსკვა მონარხ ცენტრის“ მენეჯერმა შეატყობინა. ადგილზე მისულმა სასწრაფო დახმარების ბრიგადამ მხოლოდ სიკვდილის ფაქტის კონსტატაცია შეძლო. საქმეზე დაიწყო გამოძიება. პოლიციამ ამ დროისათვის დაადგინა, რომ უცხოელი მინისტრი დიაბეტით იყო ავად და შესაძლოა მისი გარდაცვალების მიზეზი თირკმლის უკმარისობა იყოს.
რესპუბლიკა ნაურუ არის ჯუჯა სახელმწიფო, რომელიც წყანარი ოკეანის დასავლეთ ნაწილში ამავე სახელწოდების ერთერთ მარჯნის კუნძულზე მდებარეობს, ქვეყნის ფართობი სულ რაღაც 21 კვ. კმ–ს შეადგენს და გეოლოგების დასკვნით სულ რაღაც 50 წელიწადში ჩაძირვისთვის არის განწირული.
ეს არის უღარიბესი ქვეყანა, რომლისგანაც მოსკოვმა ძალიან იაფად იყიდა აფხაზეთის დამოუკიდებლობის აღიარება , თუმცა შემდეგ ისიც გადააგდო და ფული არ გადაუხადა. ნაურუს მინისტრი მოსკოვში დარგობრივ კონფერენციაში მონაწილეობის მისაღებად იყო ჩამოსული