საქართველოს მთავრობისა და ეროვნული ბანკის ერთობლივი გეგმა დედოლარიზაციის ღონისძიებების შესახებ ოფიციალურად ვრცელდება.დოკუმენტში ჩამოთვლილია შესაბამისი პროცედურები – მათ შორის არის ლარის გრძელვადიანი სესხების ხელმისაწვდომობის ზრდა, სავალუტო რისკების ადეკვატური გადანაწილება და ლარით ფასდადება.დედოლარიზაციის ღონისძიებებთან დაკავშირებით ექსპერტებს არაერთი კითხვა აქვთ.
„განცხადებაში არ ჩანს რეალურად 100 ათას ლარამდე და შემდეგ უკვე 200 ათას ლარამდე შეზღუდვები 2017 წლიდან დაწესდება ყველა სესხზე თუ უძრავი ქონებით უზრუნველყოფილ სესხზე. რაც შეზღუდვები შემოვა რა ვალუტაში უნდა გასცენ სესხი, მაგალითად ლარში ბანკისთვის სესხის მოძიება უფრო რთული, შესაბამისად ეს გადაითარგმნება სესხზე უფრო მაღალ პროცენტში. თუ ამის გამო ეკონომიკა ცოტათი მაგრამ მაინც შენელდა, ეს გრძელვადიან პერიოდში უარყოფით გავლენას მოახდენს ეკონომიკურ ზრდაზე,“-განაცხადა ექსპერტმა ეკონომიკის საკითხებში, გიორგი პაპავამ .