ნაციონალურ მოძრაობაში აღნიშნავენ, რომ ნავთობპროდუქტებზე აქციზის გაზრდა საწვავის სხვა პროდუქტების ფასების ზრდას გამოიწვევს. ოპოზიციაში მიაჩნიათ, რომ მთავრობის მიერ გადადგმული ნაბიჯები ეკონომიკის გაჯანსაღებას არ ემსახურება. „იმის ნაცვლად, რომ გადასახადები დაწიონ, ივანიშვილის მთავრობა კვირიკაშვილის ხელით გადასახადების გაზრდას აპირებს, რაც ათიათასობით ადამიანს პრობლემას შეუქმნის,“- განაცხადა ზურაბ ჭიაბერაშვილმა.მმართველ გუნდში კი მიაჩნიათ, რომ უახლოეს მომავალსა და გრძელვადიან პერსპექტივაში ყველაფერი უნდა გაკეთდეს, რომ ეკონომიკა სწრაფად განვითარდეს, მოსახლეობა დასაქმდეს.